नैइहर का न्योता | कविता अवधी भाषा में

नैइहर का न्योता

लुगाई कै खरचा, दवाई कै खरचा
लड़िकन के पढ़ाई लिखाई कै खरचा
ऊपर से मंहगाई गटई दबावै
जुतावै बुवावै कै चिंता सतावै
मंहगाई कै मार,सहत जात हउवै
खरचन पर खरचा जोड़त जात हउवैं
खुद से ही बड़बड़ करत बात हउवैं
खरचन पर खरचा जोड़त जात हउवैं

पड़ल हउवै न्यौता घर भर कै बुलउआ
मंगरू कै मलकिन चुवै जैइसै महुआ
चमेलिया कै बप्पा का गहना गढैइबा?
जलालपुर से साड़ी कब हमकै मगइबा?
बचवन कै जूता जुराब लेते अइहा
हौ नइहर कै न्यौता न एकौ भूलइहा,
गदहा जस लादी लदत जात हउवै
मंगरू कै खरचा बढ़त जात हउवै
खुद से ही बड़बड़ करत बात हउवैं
खरचन पर खरचा जोड़त जात हउवैं
मंहगाई कै मार,सहत जात हउवै

चमेलिया कै मम्मी, इंहवा तू आवा
चादर हौव जितना, पांव उतनै फइलावा
सौहर तोहार बात हमरो तू माना
आपन श्रृंगार तू हमही कै जाना
नइहर तोहार न नया रिस्तेदारी
पहिन लेतू काहें न धरूवां कै साड़ी
चलावत बहुत हौ ज़बान जैसे कन्नी
सुनि कै भड़क गै चमेलिया कै मम्मी
मंगरू यह कहिकै पछितात हउवै
मंहगाई कै मार,सहत जात हउवै
खरचन पर खरचा जोड़त जात हउवैं

पड़ल होत न्योता गर तोहरे बहिन कै
सियअउता नया फिर पहुचत्या पहिन कै
सुनावा न हमका बतावा न हमका
गीता नियत पाठ पढ़ावा न हमका
इ ओका सुनावै, उ एका सुनावै,
न इ बात मानै न उ बात मानै
पकड़ि कै पटकली उ मंगरू झोंटा
मंगरू लगावैं लगैं सोंटा सोंटा
टसकले न टसकै मसकले न मसकै
करैं पटकी पटका लड़त जात हउवै
मंगरू यह कहिकै पछितात हउवै
मंहगाई कै मार,सहत जात हउवै
खुद से ही बड़बड़ करत बात हउवैं

झगड़ा खतम भै जुटिन दीदी बहिनिन
हमनेन कै कैइसन अब आइल है दुर्दिन
मंगरूवा कै समझत रहेन बहुतै भोला
मचाइस खूब चर्चा , हैसै टोली टोला
न खाना बनाइउ न ओका बुलाइउ
कही कुछ अबकी तो हमकै बुलाइउ
चिंता में मंगरु,सोंचत जात हउवै
खुद से ही बड़बड़ करत बात हउवैं
खरचन पर खरचा जोड़त जात हउवैं

रचनाकार – रामबृक्ष

---

रचनाकार का परिचय

यह कविता हमें भेजी है रामबृक्ष कुमार जी ने अम्बेडकर नगर, उत्तरप्रदेश से।

रामबृक्ष जी की अन्य रचनाएँ:

• दरिद्रता पर कविता
• कैसी शिक्षा कैसा नाम
• आदमी पर कविता जो सबको हंसाता रहे
• सभी रचनांए

रामबृक्ष जी द्वारा रचित यह कविता “नैइहर का न्योता” आपको कैसी लगी? कृपया अपने विचार कमेंट बॉक्स में जरूर लिखें। जिससे लेखक का हौसला और सम्मान बढ़ाया जा सके और हमें उनकी और रचनाएँ पढ़ने का मौका मिले।

यदि आप भी रखते हैं लिखने का हुनर और चाहते हैं कि आपकी रचनाएँ हमारे ब्लॉग के जरिये लोगों तक पहुंचे तो लिख भेजिए अपनी रचनाएँ hindipyala@gmail.com पर या फिर हमारे व्हाट्सएप्प नंबर 9115672434 पर।

हम करेंगे आपकी प्रतिभाओं का सम्मान और देंगे आपको एक नया मंच।

• हमारा फेसबुक पेज लाइक करने के लिए यहाँ क्लिक करें।
• हमारा यूट्यूब चैनल सब्सक्राइब करने के लिए यहाँ क्लिक करें।

धन्यवाद।